قال السحيمي عذب القلب نابه — هاجوس قلبي بالضماير يتله
هاجوس قلبي يا ندا من عذابه — يا من يغيث القلب يامر بحله
يحل عقد بالضماير لجا به — عقد خطير وحاط بالقلب كله
للقلب يبرا ذوب القلب عابه — وان ما حظى بمناه خطر يشله
الخالدي درب الخطر ما يهابه — مجده عريق والمواهب جبله
اللي حمى بيض الحباري بغابه — كافيه من تاج الشرف ما حصل له
في قرنه اللي عاش فيه ومشا به — كل قصد بيت الامير ورحل له
هم لابتي بالقوم ليه قرابه — منهم وفيهم والمناهج ندله
بسحيم ندلي والموارد لنا به — محمد بحساب أجدادنا عزوة له
جد لنا بالمجد متعب ركابه — جد عريق المجد في لابة له
عبر طريق للمكارم سما به — حزمه وعزمه لين شفه حصل له
سيفه نديمه لين حلت ركابه — للمجد طالب مستظل بظله
ثنيان جده هذبه واعتنا به — أشبال عقب اشيال سيف وسله
من عنبر الوجدان يرغب جنابه — من فحول قوم بالخوالد مجله
أيام كانت بالمفاخر سما به — عهده قديم نشهده بالأدله
عاصر زمانه بينهم وانتهى به — أمر الإله إلى نزل يمتثل له
عاصر زمانه لين عنهم نحا به — ما فرق الأقران من كل مله
اللي نحا به عن فناهم وجابه — بشعاف نجد حل به واستحله
جاء للقصيم وباع به واشتري به — خلى الضعن لأسباب شاته
عاشوا وعشنا بالليالي غرابه — وبله ما كان وارد يا ملا ما نزله
سارت بنا الأقدام سير لغا به — للابة اللي قربهم ما تمله
في جو دخنه في رواسي هضابه — عشنا بها والقلب داله مدله
بحكم السعود اللي رحم به وجابه — الله لدينه حافظ ما يدله
فيهم رفع للدين وأعلى جنابه — فيهم رفع للدين صاروا هل له
مع ظلهم عشنا الليالي بصبابه — بملوكنا نجد العروبه مظله